கேரள அரசுக்கு, பொருளாதார தடை விதிக்க வேண்டும் - தொல்.திருமாவளவன்

முல்லை பெரியாறு அணை பிரச்சினையில் தமிழகத்தை கடுமையாக விமர்சிக்கும் கேரள அரசுக்கு, பொருளாதார தடை விதிக்க வேண்டும் என்று தொல்.திருமாவளவன் வலியுறுத்தினார்.

தமிழக மக்களின் உரிமை மீட்பு ஊர்தி பயண காட்சிகள்

முல்லை பெரியாறு அணை பிரச்சினையில் தமிழக மக்களின் உரிமை மீட்பு ஊர்தி பயணத்தை நடத்தி வரும் தொல்.திருமாவளவன், தேனியில் நடைபெற்ற பொதுக்கூட்டத்தில் பங்கேற்றுப் பேசினார்.அப்போது சோனியாகாந்தியை சுற்றி கேரளாவைச் சேர்ந்த தலைவர்களே இருப்பதால், முல்லை பெரியாறில் தமிழகத்தின் உரிமை பாதிக்கப்படுவது அவருக்கு தெரியவில்லை என்று கூறினார்.மேலும் தமிழகத்தை தரக்குறைவாக விமர்சிக்கும் கேரள அரசுக்கு அனுப்பப்படும் உணவு பொருட்கள் மற்றும் பல்வேறு இறக்குமதி பொருட்களை தடை செய்ய வேண்டும் என்று வலியுறுத்தினார்.இந்த பொதுக்கூட்டத்தில் விடுதலை சிறுத்தைகள் கட்சியின் தேனி மாவட்ட செயலாளர் சுப்ரமணி, தமிழன், அமுதன், தமிழ்வாணன், முருகேசன் உட்பட பலர் பங்கேற்றனர்


.