இடை தேர்தல்களில் தி.மு.க வேட்பாளர்கள் மாபெரும் வெற்றி பெற பாடுபடுவோம் - திருமாவளவன்

திருசெந்தூர்,வந்தவாசி இடை தேர்தல்களில் தி.மு.க வேட்பாளர்கள் மாபெரும் வெற்றி பெற பாடுபடுவோம் - திருமாவளவன் அறிக்கை

நடைபெறவிருக்கும் திருச்செந்தூர், வந்தவாசி இடைத் தேர்தல்களில் தி.மு.க.
வேட்பாளர்களை வெற்றிபெறச் செய்ய விடுதலைச் சிறுத்தைகள் பாடுபடும்.
அதற்கான அர்ப்பணிப்போடு விடுதலைச் சிறுத்தைகள் களப்பணியாற்றும்.
நடந்து முடிந்த அனைத்து இடைத் தேர்தல்களிலும் தி.மு.க. மாபெரும் வெற்றியைப் பெற்றுள்ளது.

தி.மு.க. தலைமையிலான கூட்டணிதான் வெற்றிக் கூட்டணி
என்பதைத் தமிழகம் நன்கறியும். திருச்செந்தூர், வந்தவாசி தொகுதிகளில் வெற்றி
பெறுவது மட்டுமல்ல, இதுவரை இல்லாத அளவுக்கு வாக்கு வித்தியாசத்தில் அந்த வெற்றியை இக்கூட்டணி சாதிக்கும். இந்தியாவின் எந்த மாநிலத்திலும் இல்லாத அளவுக்கு நலத் திட்டங்களைச் செயல்படுத்தி, இது ஏழை எளிய ஒடுக்கப்பட்ட பிற்படுத்தப்பட்ட சிறுபான்மை மக்களின் அரசு என்பதை சமத்துவப் பெரியார் கலைஞர் அவர்கள் உலகுக்கு எடுத்துக்காட்டி வருகிறார். அந்த வெற்றிகரமான நலத்திட்டங்கள் தொடர, தி.மு.க. தலைமையிலான கூட்டணிதான் அடுத்த பொதுத்தேர்தலிலும் வெற்றிபெறும் என்பதை எடுத்துக்காட்ட, திருச்செந்தூர்,வந்தவாசி தொகுதிகளில் விடுதலைச் சிறுத்தைகள் தேர்தல் பணியாற்றும்.

இந்தமக்கள் அரசின் சாதனைகளை அங்கீகரிக்கும் வகையில் மாபெரும் வாக்கு
வித்தியாசத்தில் தி.மு.க. வேட்பாளர்களை வெற்றி பெறச் செய்யுமாறு இவ்விரு
தொகுதி பொதுமக்களையும் விடுதலைச் சிறுத்தைகள் சார்பில்
கேட்டுக்கொள்கிறோம்.