50% இட ஒதுக்கீடே மகளிருக்கான சமூக நீதியாக அமையும்! - அனைத்துக்கட்சிக் கூட்டத்தில் தொல். திருமா உரை!

Speech delivered by Thol.Thirumavalavan M.P., in the meeting held on 14th july 2011  at the parliament library building which is presided by Madam Meira kumar, speaker Loksabha.

Respected Madam,                  

Thank you so much for convening this meeting and for giving me this opportunity to share my views in this women reservation bill issue.   Already the government made many attempts to pass this bill but it was not successfully done due to some controversies are there. Particularly, the provisions of separate reservation for the women of dalits, backward and minority sections.Its not a negligible one. The government should come forward to ensure this important and reasonable demand.   Here I wish to salute to our great leader, the architect of the constitution Dr.B.R.Ambedkar who had resigned his ministership, for the rights of women on properties. He worked for the social justice of the weaker sections like dalits, minorities and all women in the society. So we all should come forward to take responsibility for the social justice which brought by Dr.B.R.Ambedkar.

I don’t know why and how we have derived this number double three. The concept of reservation is the social justice should be protected.On the basis of the population only, the reservation should have allotted to the concern. But in women concern, how we have derived this number 33? Hence I request the government to allot 50% reservation for the women on the basis of population. This will be the real social justice of women.

Any how I support the government to pass this bill in the forthcoming monsoon session. It is very essential to make sure the social justice in all level. So we should pass this bill successfully in the parliament. Thank you.

தலைவர் பேசியதின் தமிழ் வடிவம்

நாடாளுமன்றத்தில் மகளிர் மசோதாவை நிறைவேற்றுவது தொடர்பான அனைத்துக் கட்சிக் கூட்டம்

14-7-2011 அன்று புதுதில்லி நாடாளுமன்ற நு£லகக் கட்டடத்தில்  மக்களவை சபாநாயகர் மீராகுமார் தலைமையில் நடைபெற்றது.  கூட்டத்தில் கலந்துகொண்டு விடுதலைச் சிறுத்தைகள் கட்சித் தலைவரும் நாடாளுமன்ற உறுப்பினருமான தொல்.திருமாவளவன் பேசியதாவது:

மதிப்பிற்குரிய தலைவர் அவர்களே வணக்கம்.

மகளிர் இடஒதுக்கீடு மசோதா தொடர்பான அனைத்துக் கட்சி கூட்டத்தை ஒருங்கிணைத்ததற்காகவும் அதில் என்னுடைய கருத்துக்களைச் சொல்வதற்கான வாய்ப்பை வழங்கியதற்காகவும் எனது நன்றியைத் தெரிவித்துக்கொள்கிறேன்.

இந்த மகளிர் இடஒதுக்கீடு மசோதாவைச் சட்டமாக நிறைவேற்றுவதற்கு ஏற்கனவே அரசு பல முயற்சிகளை மேற்கொண்டுள்ளது. ஆனால் அதில் உள்ள சில முரண்பாடுகள் காரணமாக வெற்றிகரமாக அதனைச் சட்டமாக நிறைவேற்ற இயலவில்லை. குறிப்பாக தலித்துகள், பிற்படுத்தப்பட்ட வகுப்பினர், சிறுபான்மையினர் ஆகிய பிரிவுகளைச் சார்ந்த மகளிர்க்கு தனி இடஒதுக்கீடு வழங்குவதற்கான ஏற்பாடுகளுடன் இச்சட்டத்தை நிறைவேற்ற வேண்டும் என்பதுதான் இச்சட்டத்தை நிறைவேற்ற இயலாமைக்குக் காரணமாக உள்ளது. இக்கோரிக்கையானது எளிதில் புறந்தள்ளக் கூடிய ஒன்றல்ல. மிகவும் இன்றியமையாத பொருத்தமான இக்கோரிக்கையை ஏற்று உறுதிப்படுத்துவதற்கு அரசு கட்டாயமாக முன்வர வேண்டும். மகளிர்க்கான சொத்துரிமைக்காக, தன்னுடைய அமைச்சர் பதவியிலிருந்து விலகிய அரசியலமைப்புச் சட்டத்தின் தந்தையும் பெருந்தலைவருமான புரட்சியாளர் அம்பேத்கர் அவர்களுக்கு இந்த நேரத்தில் நான் எனது வீரவணக்கத்தைச் செலுத்த விரும்புகிறேன். தலித்துகள், சிறுபான்மையினர் மற்றும் அனைத்துத் தரப்பு மகளிர் ஆகிய சமூகத்தில் மிகவும் வலுவிழந்துள்ள பிரிவினருக்கான சமூக நீதிக்காகவே அவர் பாடுபட்டார். எனவே அவரால் வென்றெடுக்கப்பட்ட சமூக நீதியை பாதுக்காப்பதற்கான பொறுப்பை ஏற்க நாம் அனைவரும் முன்வரவேண்டும்.

மகளிர்க்கு 33  சதவீதம் மட்டுமே வழங்குவதென ஏன், எவ்வாறு முடிவெடுக்கப்பட்டதென எனக்குத் தெரியவில்லை. சமூக நீதியைப் பாதுகாப்பதுதான் இடஒதுக்கீட்டின் அடிப்படைக் கொள்கையாகும்.  இடஒதுக்கீடு மக்கள் தொகை அடிப்படையில் மட்டுமே உரியவர்களுக்கு ஒதுக்கப்பட வேண்டும். ஆனால் நாம் எவ்வாறு இந்த 33 விழுக்காட்டை மகளிர்க்கு இடஒதுக்கீடாக வரையறை செய்தோம்?  மக்கள் தொகை அடிப்படையில் 50 விழுக்காடு மகளிர்கென ஒதுக்க வேண்டுமென அரசாங்கத்தைக் கேட்டுக்கொள்கிறேன். இதுவே மகளிர்க்குரிய உண்மையான சமூக நீதியாக அமையும். எது எப்படி இருப்பினும் வரும் மழைக்காலக் கூட்டத்தொடரில் இந்த மசோதாவைச் சட்டமாக நிறைவேற்றுவதற்கு நான் எனது ஆதரவைத் தெரிவிக்கிறேன். அனைத்துத் தளங்களிலும் சமூக நீதியை நிலைநாட்ட வேண்டியது இன்றியமையாத ஒன்றாகும். எனவே நாடாளுமன்றத்தில் நாம் அனைவரும் இந்த மசோதாவை வெற்றிகரமாக நிறைவேற்றுவோம். நன்றி.