கட்சிவிரோத நடவடிக்கைகளில் ஈடுபட்டோர் நீக்கம் தொல். திருமாவளவன் அதிரடி அறிவிப்பு
2011 ஏப்ரல் மாதம் நடைபெற்ற தமிழக சட்டப்பேரவைத் தேர்தலில் விடுதலைச் சிறுத்தைகள் கட்சியின் சார்பில் சீர்காழி சட்டப்பேரவைத் தொகுதியில் போட்டியிடுவதற்குப் பலர் விருப்ப மனு செய்திருந்தனர். இளஞ்சிறுத்தைகள் எழுச்சிப் பாசறையின் மாநிலத் துணைச் செயலாளர் ஈழவளவன் மற்றும் இளஞ்சிறுத்தைகள் எழுச்சிப் பாசறையின் நாகை மாவட்டச் செயலாளர் ஸ்டாலின் ஆகியோரும் அவ்வாறு விருப்பமனு செய்திருந்தனர். ஈழவளவன், ஸ்டாலின் உள்ளிட்ட விண்ணப்பம் செய்த பலருக்கு தேர்தலில் போட்டியிடுவதற்கான வாய்ப்பு வழங்க இயலவில்லை. இந்நிலையில் ஈழவளவன், ஸ்டாலின் ஆகிய இருவரும் கட்சியின் நன்மதிப்புக்குப் பாதிப்பு ஏற்படுத்தும் வகையிலும், கட்சியின் கட்டுக்கோப்பைச் சீர்குலைக்கும் வகையிலும் வெளிப்படையாகச் செயல்பட்டனர்.
கடந்த சூன் 14, 15 ஆகிய இரு நாட்களிலும் சென்னையில் நடைபெற்ற உயர்நிலைக் குழுவிலும், கடந்த 2-7-2011 அன்று நடைபெற்ற மாநிலச் செயற்குழுவிலும் ஈழவளவன் மற்றும் ஸ்டாலின் ஆகியோரின் கட்சி விரோத நடவடிக்கைகள் பற்றி விவாதிக்கப்பட்டது. அதனடிப்படையில் 2-7-2011 அன்று வேளச்சேரியில் நடைபெற்ற மாநிலச் செயற்குழுவில் ஈழவளவன் மற்றும் ஸ்டாலின் ஆகியோர் கட்சியின் அடிப்படை உறுப்பினர் தகுதியிலிருந்து நீக்கப்பட்டனர்.
அதைப்போல கட்சியின் நற்பெயருக்குக் களங்கம் விளைவிக்கும் வகையில் கட்சி மற்றும் மக்கள் விரோத நடவடிக்கையில் ஈடுபட்டுவரும் கோவை மாவட்டத்தைச் சேர்ந்த கண்ணதாசன், மோசஸ், தொல்குடிமைந்தன் மற்றும் அரியலூர் மாவட்டத்தைச் சேர்ந்த சமூகநல்லிணக்கப் பேரவை பொறுப்பாளர் புரட்சி தர்மலிங்கம் ஆகியோரும் அடிப்படை உறுப்பினர் தகுதியிலிருந்து நீக்கப்பட்டனர். கட்சியிலிருந்து நீக்கப்பட்ட மேற்கண்டவர்களோடு அரசியல்ரீதியாக எத்தகைய தொடர்புகளையும் கட்சியினர் யாரும் வைத்துக்கொள்ளக்கூடாது. இதன்மூலம் ஒழுங்கு நடவடிக்கைக்குள்ளானவர்களுக்கும் கட்சியின் அனைத்துப் பொறுப்பாளர்களுக்கும் இந்நடவடிக்கை அறிவிக்கப்படுகிறது.
இவண்
(தொல். திருமாவளவன்)
கடந்த சூன் 14, 15 ஆகிய இரு நாட்களிலும் சென்னையில் நடைபெற்ற உயர்நிலைக் குழுவிலும், கடந்த 2-7-2011 அன்று நடைபெற்ற மாநிலச் செயற்குழுவிலும் ஈழவளவன் மற்றும் ஸ்டாலின் ஆகியோரின் கட்சி விரோத நடவடிக்கைகள் பற்றி விவாதிக்கப்பட்டது. அதனடிப்படையில் 2-7-2011 அன்று வேளச்சேரியில் நடைபெற்ற மாநிலச் செயற்குழுவில் ஈழவளவன் மற்றும் ஸ்டாலின் ஆகியோர் கட்சியின் அடிப்படை உறுப்பினர் தகுதியிலிருந்து நீக்கப்பட்டனர்.
அதைப்போல கட்சியின் நற்பெயருக்குக் களங்கம் விளைவிக்கும் வகையில் கட்சி மற்றும் மக்கள் விரோத நடவடிக்கையில் ஈடுபட்டுவரும் கோவை மாவட்டத்தைச் சேர்ந்த கண்ணதாசன், மோசஸ், தொல்குடிமைந்தன் மற்றும் அரியலூர் மாவட்டத்தைச் சேர்ந்த சமூகநல்லிணக்கப் பேரவை பொறுப்பாளர் புரட்சி தர்மலிங்கம் ஆகியோரும் அடிப்படை உறுப்பினர் தகுதியிலிருந்து நீக்கப்பட்டனர். கட்சியிலிருந்து நீக்கப்பட்ட மேற்கண்டவர்களோடு அரசியல்ரீதியாக எத்தகைய தொடர்புகளையும் கட்சியினர் யாரும் வைத்துக்கொள்ளக்கூடாது. இதன்மூலம் ஒழுங்கு நடவடிக்கைக்குள்ளானவர்களுக்கும் கட்சியின் அனைத்துப் பொறுப்பாளர்களுக்கும் இந்நடவடிக்கை அறிவிக்கப்படுகிறது.
இவண்
(தொல். திருமாவளவன்)
1 கருத்துகள்:
அண்ணன் அவர்கள் நாகை மாவட்டத்தில் நிகழும் முரண்பாடுகளை களைந்து மீண்டும் எழுச்சியை கொண்டு வரவேண்டும் மற்றும் இந்த முடிவை மறு பரிசீலனை செய்ய வேண்டுமென்றும் மிக தாழ்மையுடன் கேட்டுக்கொள்கிறேன்.
அன்புராஜ்,புனே
கருத்துரையிடுக